कांद्याच्या भावात मोठी तफावत! शेकऱ्यांची लुटा-लूट कधी थांबणार?

नाशिक – सध्या बाजारात कांद्याला सरासरी मिळत असलेला बाजारभाव आणि शेतकरयांच्या डोळ्यात धुळफेक करण्यासाठी देत असलेला बाजारभाव यात जमीन- आस्मानिची तफावत होत असल्याचे निदर्शनास येत आहे.
एखाद्या शेतकऱ्याला पाच दहा पिशवी कांद्याला जास्तीत जास्त विक्रमी बाजारभाव देऊन इतर शेतकर्यांची लूट होताना दिसत आहे.

एकाच दर्जाच्या (क्वॉलिटी) कांद्याला वेगवेगळा बाजारभाव मिळत असल्याचे निदर्शनास येत आहे. आज चांगल्या प्रकारच्या कांद्याला सरासरी प्रति किलो 40 ते 45 रूपये बाजारभाव असताना अगदी थोड्याच शेतकर्यांना हा बाजारभाव मिळत असून बाकीच्या इतर शेतकर्यांना 20 ते 30 रूपये प्रति किलोवर बोळवण केली जात आहे. म्हणजेच कांद्याच्या बाजारभावात फार मोठी तफावत पहायला मिळत आहे.

महाराष्ट्रातील काही कृषी उत्पन्न बाजार समिती मध्ये कांदा व्यापारी शेतकर्यांची अडवणूक करताना दिसत आहेत. यातून शेतकर्यांनी अनेक वेळा लिलाव बंद पाडण्याच्या सुध्दा घटना वारंवार घडत आहेत. काही ठिकाणी बाजार समितींच्या आशिर्वादाने हा प्रकार घडत असल्याचे बोलले जात आहे.

बघा आजच्या कांदा भावात किती मोठी तफावत आहे.

वरील मार्केट भाव बघून तुमच्या लक्ष्यात येईल कि व्यापारी शेकऱ्यांची किती लूट करताय . शेतकऱ्यांनो हीच वेळ आहे आवाज उठवायची. तुमचा मेहनतीने कमावलेला कांदा असाच व्यापाऱ्यांच्या घश्यात कमी भावात घालू नका. कांदा विकायची घाई करू नका, लवकरच कांदा शम्भरी गाठेल.